طبعا الموضوع مش دعوة عشان تتعلم طـرق لإختراق حسـابات الفيـسبوك
لكن عشان تعرف إيه هى طـرق سـرقة الحسابات وإزاى تحافظ على حسابك
تعالوا نشوف مع بعض أهم طـرق سـرقة الحسابات
أولًا : سـرقة حسـابات الفيـسبوك عن طريق برنامج keylogger
keylogger برنامج خبيث تصاب به أجهزة الكمبيوتر ويسمى أيضا ببرنامج التجسس
يقدر المخترق من خلاله معرفة كل شئ بتكتبه على لوحة المفاتيح
فيقوم keylogger بتسجيل ضرباتك على لوحة المفاتيح ويبعتها للمخترق
وطبعا منها بريدك الإلكتروني وكلمة المرور الخاصة بالفيـسبوك
الحمايــة
طبعا لازم تثبت برنامج حماية قوي مع تحديثه بإستمرار
وتبعد عن تحميل ملفات من أماكن غير موثوق فبها
وتتأكد من البرنامج ده مش متركب على الكمبيوتر اللى بتسخدمه
خصوصا كمبيوترات مقاهي الأنترنت أو كمبيوتر شخص أخر
ثانيًا سـرقة حسـابات الفيـسبوك عن طريق Phishing
الـ Phishing أو التصيد دى من أشهر الطرق وأسهلها في
سرقة حسـابات الفيـسبوك
وعملية الإختراق تتم عن طريق تصميم صفحة مزيفة شبيهة بصفحة الدخول للفيسبوك
ويتم إرسال رابط الصفحة إما عن طريق الإميل أو من خلال الدردشة
طبعا الرابط بيتبعتلك مع عبارة مغرية عشان يغريك وتضغط على الرابط مباشرة
وطبعا بعد ما تقوم بالضغط على الرابط هتلاقى نفسك في صفحة شبيهة بصفحة البداية للفيسبوك
وطبعا تبدأ أنت بتسجيل الدخول على الرغم من أنك سجلت دخول قبل كده
وبمنتهى حسن النية منك بتكتب الإميل وكلمة المرور وساعة الضغط على دخول
بيتم إرسال معلوماتك ( الإميل و كلمة المرور ) للمخترق وكده بقى نقولك إصطادك يا جميل
لأن طبعا حضرتك مش بتلاحظ أن رابط الصفحة المزيفة مختلف عن صفحة البداية للفيـسبوك
الحمايــة
وعشان ما تقعش في سنارة التصيد لازم تخلى بالك من أي روابط تطلب منك تسجيل الدخول
خصوصا إذا كنت سجلت دخولك على
الفيسبوك ووجدت صفحة تانية بتطلب تسجيل الدخول مرة أخرى
على طول لازم تعرف أنها صفحة مزيفة لأن الفيـسبوك مش هيطلب منك تسجيل الدخول مرتين
إلا إذا كنت أنت سجلت خروج وحبيت تدخل الفيـسبوك تانى
ثالثًا : سـرقة حسـابات الفيـسبوك عن طريق الهواتف
عدد كبير من الناس ما يعرفوش أن الهواتف من أسهل الأماكن لإختراق
حسابات الفيسبوك
يبدأالهكرز يثبت برنامج تجسس على موبيلك وبكده يقدر ياخد كل معلومات الدخول بسهولة
وغالبًا الهكر هنا واحد يعرفك شخصيًا ياخد موبيلك بأى حجة ويثبت البرنامج عليه
الحمايــة
راقب كل البرامج المثبتة على الموبيل والأهم إنك تمنعك أى حد من اللعب فى موبيلك
رابعًا : سـرقة حسـابات الفيـسبوك عن طريق Session Hijacking
إذا كنت متصل بشبكة محلية زى مقاهي الأنترنت مثلا وتستخدم بروتوكول غير آمن زى http://
هنا بيسهل على المخترق بإستخدام Session Hijacking عشان
سرقة معلومات التسجيل
عن طريق ملفات الكوكيز أو التعرض لمعلومات التسجيل وقت تنقلها بينك وبين الخادم
الحمايــة
وعشان تتجنب
سرقة الحساب عن طريق Session Hijacking إستخدم البروتوكول الآمن https://
خامسًا : سـرقة حسـابات الفيـسبوك عن طريق Side Jacking
تقريبا نفس الفكرة اللى فاتت .. بيتم
سرقة حسابات الفيسبوك عن طريق Side Jacking
بالإعتماد على إضافات المتصفح خصوصا للفايرفوكس
والإضافات دى بتهاجم ملفات الكوكيز غير المشفرة في متصفح الأنترنت عن طريق الشبكة السلكية ولاسلكية
وإذا وصل المخترق لملفات الكوكيز فهذا يعني أنه يقدر يكشف معلومات التسجيل
مش معلوماتك أنت وبس .. لا وكمان معلومات كل الأفراد المشتركين معاك على نفس الشبكة
الحمايــة
إستخدم البروتوكول الآمن https:// خصوصا إذا كنت متصل من خلال مقهى أنترنت
أو شركة أو من أي شبكة سلكية أو لاسلكية زى الــ"واي فاي"